Imigqa Yomgwaqo

Imigqa Yomgwaqo: Imigqa Okumele Uyazi

Umugqa wokuma

Lapho ubekwa khona: Kunoma yimuphi umgwaqo.

Inhloso: Ukubonisa lapho okumele umise khona imoto yakho ngokuphelele.

Okumele kwenziwe: Yima ngaphambili kwemoto yakho ngemuva kophawu lokuma. Uma lungekho uphawu lokuma, umugqa wokuma unencazelo efanayo nophawu lokuma.

Umugqa wokuma

Umugqa wokuyekela

Lapho ubekwa khona: Kunoma yimuphi umgwaqo, ikakhulukazi ezimpambanweni.

Inhloso: Ukubonisa ukuthi kumele unikeze ilungelo lokudlula kubo bonke abawela phambi kwakho kule ndawo.

Okumele kwenziwe: Yekela noma ubani owela indlela yakho noma ofuna ukuwela indlela yakho. Noma ngabe lungekho uphawu lokuyekela, usadinga ukuyekela.

Umugqa wokuyekela

Imigqa yesiwelo sabahamba ngezinyawo nesiwelo esinamabhulokhi

Lapho ibekwa khona: Kunoma yimuphi umgwaqo, ikakhulukazi emadolobheni ezimpambanweni naseduze kwezikole.

Inhloso: Ukukwazisa ukuthi kumele unikeze ilungelo kubahamba ngezinyawo abawelayo noma abafuna ukuwela umgwaqo kulezi zindawo.

Okumele kwenziwe: Bheka noma yibaphi abahamba ngezinyawo abawelayo noma abafuna ukuwela umgwaqo bese ubanika ilungelo ngokwehlisa isivinini noma ngokuma.

Imigqa yesiwelo sabahamba ngezinyawo nesiwelo esinamabhulokhi

Akukho kudlula

Lapho ubekwa khona: Kunoma yimuphi umgwaqo othwala ithrafikhi ehamba ngezindlela ezimbili.

Inhloso: Ukukwazisa ukuthi kunqatshelwe ukushayela nanoma iyiphi ingxenye yemoto yakho ngakwesokudla salo mugqa.

Okumele kwenziwe: Ungaweli lo mugqa, ngaphandle uma ufuna ukungena ngqo endaweni esohlangothini olunye lomugqa, ukuphuma kuleyo ndawo uye emgwaqweni, noma ukudlula isithiyo esimile. Kuzo zonke lezi zimo kumele uqinisekise ukuthi kuphephile ukwenza njalo.

Akukho kudlula